الارشيف / أخبار المغرب / كود

لنناضل جميعا من اجل حقنا المهضوم في مشاهدة مومسيخة تكون في مستوى تطلعاتنا

  • 1/2
  • 2/2

جواد الأنصاري- كود

 

الأفلام ديال لمومسخية على غرار باقي الوسائل الترفيهية الاخرى را ماشي ساهل باش تبريباريها بين عشية وضحاها …بحيث أنها كتحتاج لواحد لجهد لي زعما إستثنائي بكل المقاييس لكون أن هناك جنود الخفاء مكنشوفوهمش ربما حنا يسهرون الليالي من اجل تقديم منتوج يكون في مستوى تطلعاتنا ،وزيد هناك ممثلون تُشترط احيانا فيهم الاهلية من أجل لعب ادوار لا تستهين بذكاء المشاهد كما أنهم كيبذلو تاهما مجهودات احيانا جبارة على ود طريف دلخبز الليكون فلعون وعلى ودنا حنا خصيصا باش نستمتعو بمشاهدتم وإلى أخره ،وعلاوة على هذا غا ديك المعاناة مع الفحوصات الطبية المتكررة والروتينية لي كيديرو مساكن را بزاف ،و شيء لا يُطاق ،يعني دوك لمشاهد تاهما را كيتقامو عليهم بغسيل لفندق

غير هو عوتاني را مدورين الصرف ديال بصح فهادشي ديال لمومسيخة بحيث ان هناك واقع ما له من دافع يقول ان هادي هيا التجارة الوحيدة التي لن تبور “طالما هناك كبت وهناك رغبة ملحة من الانسان في فك العزلة” ،وهادي هيا الحقيقة لي توصلت ليها ماريكان شحال هادي وتبنات هاد النوع الثقافي واقحمته في هوليود بقسم خاص للكبار فقط ودارو ليهم استوديوهات خاصة ونجوم ونقاد ونوادي للمعجبين

وبذلك اصبحت لميريكان تتربع على عرش قائمة الدول التي تستثمر في هاد الضومين وكتنتج تقريبا ما يناهز اسبوعيا الان شي 200 فيلم  وما يزيد تقريباً… وتليها مباشرة ألمانيا، وتعتبر كوريا الشمالية هي الوحيدة لي مكيدورش بتاتا عندها هاد لمسخ  و لي حصل ديلمو في حالة تلبس سامر على شي فيلم ديال لبورنو يحكم عليه بعقوبات جد شديدة قد تصل إلى الاعدام …

وهناك اربع دول إسلامية من بينهم تحتل الصدارة مع العشرة الاوائل حسب اخر الإحصاءات لي كيكونصوميه هاد لمسخ …

 

وكمعلومة من جهة اخرى را “الفنانات”  ديال هاد الافلام كاينة فيهم لي كتاخد قيمة الف دولار اعمي في مقابل مشهد واحد فقط لا يتعدى ساعتين ديال الوقت  ،وتقدر ماتخدمش تا ترشق ليها ثاني أو على حسب مدار كانة الجهة لي خدامة معها، وعاود كاين فنانات بروميان كاليطي ولهم باع طويل  فهادشي  كياخدو 100 الف دولار في عشرين مشهد في لعام فقط، بمعنى تقدر تخدم أقل من شهر فلعام مقابل ما يستطيع أن يعيش به دوارنا كامل طيلة ما يربو عن خمس سنوات فما فوق ،وعاود كاين دوك بنات لموقف ،لي كيخدمو مساكن عطش ، كيتكارجو معهم للنهار ..في إطار ديري خدمتك وديها مجموعة

 

والضومين في الاونة لاخرا ولا عليه الدرك بزايد نتيجة الضغوطات ،وبالتالي ولاو كينزلو عليهم بالضرائب بشدة ،الشي لي كيخليهم تاهما يكثفو من لخدمة باش من ناحية يجاريو وتيرة الطلب لي عليهم  وإختلاف الاذواق ،وفنفس الوقت يحيدو عليه الضرايب ،

 

ولي كيحدد غالبا شحال خصها تشد را ماشي بالضرورة الاقدمية ولا الاحتراف بقدر ما هو معدل إقتراب الشكل ديالها مع داك لنموذج المثالي للجمال ومع داكشي لي باغي السوق عادة، ثم مدى الاستعداد ديالها للقيام بأدوار ودي بوزيسيو لي خارقين للمألوف وقاصحين شوية بحال مثلا  BDSM ولي بوزيسيو ديال “ساديسم”ولماشوسيزم”

 

 

 

 

 

 

وحسب ما يراج ان تا هاد الضومين فيه لفساد بزاف، وفيه شوية لفرزيات ، ولمحسوبية ،وفيه تا آفة التحرش بحيث انه بزاف ديال الممثلات كيتشكاو من محاولات تحرش كيتعرضو ليها من طرف دوك لمسؤولين عليهم او لي مخدمينهم للأسف الشديد، وحسب ما كنت قريت انه شي دريات قامو برفع دعوة قضائية كاع ضد شي شركة للإنتاج كلاتهم مساكن فرزقهم ،

وكاينات لي كيتشكاو للأسف تا من ظروف العمل والتصوير لي بعض لمرات كتدوز فواحد لجو شبه مأساوي وبالتالي مكيسمحش ليهم يبدعو ،وهادشي را خص الجهات المسؤولة صراحة تدير خدمتها وتوقف على بحال هاد لخروقات وتنقي لميدان مزيان لانو هادشي راع عندو أخلاقياتو ومبادئو والاسس ديالو ماشي غا جي ودفع ودرم…

 

إرتقوا فالقاع قد إزدحم

فهاماطور للأخبار والأنباء

تطبيق الاخبار على الجوال

كنت تقرأ خبر عن لنناضل جميعا من اجل حقنا المهضوم في مشاهدة مومسيخة تكون في مستوى تطلعاتنا في فهاماطور للأخبار والأنباء ونحيطكم علما بان محتوى هذا الخبر تم كتابته بواسطة محرري كود ولا يعبر اطلاقا عن وجهة نظر فهاماطور للأخبار والأنباء ، ويمكنك قراءة الخبر من المصدر الاساسي له من الرابط التالي كود مع اطيب التحيات.

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا